//超推薦-3000YEN青之洞窟浮潛//
由於湊住一家大細，加上早一日酒店又只係淨番1230PM呢個時間，所以原本Missfreckle都已經打消左去青洞浮潛既念頭。
咁岩上網見到有優惠價3000YEN浮潛，諗住上網報名博一博，又真係下午Confirm第二日朝早有得玩。
同家姐揸左40分鐘車去到集合點(如果要接送每人要加2000YEN) 超級無敵多人，好快揾到潛水公司.感覺佢地都幾國際化，因為入面有日本人、台灣人同埋香港人，所以語言方面唔使擔心。
佢地真心有Heart同埋專業，去到先問番你用開既語言(嘗試幫你揾番可以講到英文/普通話既教練) 同埋講解裝備，包括面罩入水既處理同埋帶面罩著蛙鞋既方法等等，而且上網已經填好鞋既Size﹐所以一去到已經預備好晒合適既鞋同埋救生衣(有近視既朋友仲可以要求有度數鏡片) 。相比起係大堡礁俾set浮潛用具俾你再掉你落水差好遠。不過因為附近水域有水母，所以要著晒全套潛水衣落水。
換好衫之後，教練就會一帶五帶你落水浮潛(同集合點距離五分鐘步程) 3000YEN已經包左用具租借、餵魚同埋有無限相片SEND番俾你(但首先你帶住個Mask都影得靚) 。教練仲有個大水泡，就算唔識游水都可以攬住個水泡浮住睇。
沿途欣賞下啲魚同埋珊瑚，大約浮潛十分鐘左右就會到達青之洞窟，OMG! 個種藍真係唔可以錯過，而教練亦會繼續幫你影靚相 <3 咁樣浮潛，只可以說超值。
**非廣告純分享﹐有興趣既朋友可以Inbox我拎網址報名。
Search